Kryeministri në detyrë, Avdullah Hoti ka thënë se është prekur shumë thellë nga lajmi që një termet e ka goditur Kroacinë.
Ai ka thënë se në emër të Qeverisë së Kosovës, shpreh solidarizim pas tërmetit në Kroaci.
“I prekur thellë nga lajmi që Kroacia është goditur nga tërmeti, epiqendra e të cilit ishte në veri të Zagrebit. Në emër timin dhe të Qeverisë shprehi solidarizimin me institucionet e Republikës së Kroacisë dhe qytetarëve të saj. Jemi me ju, miq, në ditë të mira dhe të vështira”, shkruan Hoti në Facebook.
Në orët e mëngjesit të ditës së hënë, në Kroaci kanë ndodhur tri tërmete me fuqi relativisht të lartë. Sipas mediave kroate edhe Zagrebi është tronditur nga dridhjet e tokës, megjithëse epiqendra ishte Petrinja.
Sipas vlerësimeve fillestare të autoriteteve, tërmeti kishte një magnitude 5.1 ballë të shkallës Rihter.
/RTV-OKARINA/