Rrjeti social “Instagram”, sot është kthyer në një biznes fitimprurës për njerëzit e njohur të ekranit.
Gazetari i njohur shqiptar, Eraldo Rexho së fundmi ka treguar se pas pandemisë ka nisur të funksionojë strategjia e marketingut digjital, ku personazhe të njohur reklamojnë diçka në llogaritë e tyre në rrjetet sociale.
Sipas gazetarit fitimet e VIP-ave variojnë nga 300-5000 euro.
Ndër të tjera ai shtoi se nëse një personazhi publik do t’i vidhej Instagrami do të ishte fundi i botës për të.
“Nëse flasim për personazhe që arkëtojnë 5000 euro, mund të themi që është fundi i botës”, tha ai.
Ndërkohë në emision ishte e ftuar edhe Monika Lubonja, të cilës së fundmi i është vjedhur llogaria e saj në Instagram. Ajo e cilësoi rrjetin social si një “mjet jetese” në ditët e sotme.
“Me të vërtetë nga një anë Instagram bën një lloj komunikimi me njerëzit por për ne është kthyer edhe në një punë, sidomos që unë kam pasur kaq shumë shafqje. Pretendoj që ata që e kanë Instagramin tim nuk iu duhet kjo gjë, vetëm më prishin punë mua. Tani është kthyer në një mjet jetese”, tha aktorja.