Policia e Kosovës ka arrestuar një person pasi dyshohet se i njëjti ka vjedhur një aparat për matjen e tensionit, dhe po ashtu ka kryer disa raste tjera të vjedhjeve në kohë të ndryshme, shkruan Gazeta Metro.

Rasti ka ndodhur në rrugën “Zija Shemsiu”, në Prishtinë.

“Më datën 23.03.2022 është arrestuar i dyshuari mashkull kosovar nën dyshimin se me datën 26.11.2021 në një barnatore ka vjedhur një aparat për matjen e tensionit, dhe po ashtu ka kryer disa raste tjera të vjedhjeve në kohë të ndryshme”, thuhet në raport.

Me vendim të prokurorit, i dyshuari është dërguar në mbajtje.