Tashmë janë kompletuar 32 skuadrat që do të marrin pjesë në edicionin 2021/2022 të garës më të madhe futbollistike UEFA Champion League.
Mbrëmjen e kaluar përfunduan dhe ndeshjet e fundit të play-off-it ku Shakhtari, Sallzburgu dhe Sheriffi siguruan një vend në fazën e grupeve.
Ceremonia e hedhjes së shortit do të mbahet në Stamboll dhe do të fillojë nga ora 18:00 dhe transmetohet live në faqen zyrtare të UEFA-së.
Skuadrat pjesëmarrëse do të ndahen në katër vazo.
Në Vazon e parë do të jenë fituesja e sezonit të kaluar e Ligës së Kampionëve, fituesja e Europa Leagues dhe gjashtë fituesit e gjashtë ligave më të forta sipas renditjes.
Nga vazo e dytë e deri në vazon e katërt do të përcaktohen skuadrat simbas koeficienit.
Në këtë fazë nuk mund të përballen dy skuadra nga i njëjti shtet.
Në këtë sezon do të marrin pjesë skuadra nga 15 shtete, Spanja prin me plot pesë skuadra pjesëmarrëse:
Spanjë: Atletico Madrid, Real Madrid, Barcelona, Sevilla dhe Villareal.
Angli: Manchester City, Manchester United, Chelsea dhe Liverpool.
Itali: Inter, Juventus, AC Milan dhe Atalanta.
Gjermani: Bayern Munchen, Borussia Dortmund, Leipzig dhe Wolfsburg.
Portugali: Sporting, Porto, Benfica.
Francë: Lille, Paris Saint-Germain.
Ukrainë: Dynamo Kyiv, Shakhtar Donetsk.
Holandë: Ajax.
Rusi: Zenit.
Austri: Salzburg.
Turqi: Besiktas.
Belgjikë: Club Brugge.
Zvicër: Young Boys
Suedi: Malmo
Moldavi: Sheriff Tiraspol.
Sonte gjatë ceremonisë pritet të ndahen dhe disa çmime për më të mirët e sezonit të kaluar.
Çmimet që do të ndahen janë:
– Lojtari më i mirë i vitit për meshkuj. – Lojtarja më e mirë e vitit për femrat.
– Trajneri i vitit.
– Portieri i sezonit 2020/21 në Ligën e Kampionëve.
– Mbrojtësi i sezonit 2020/21 në Ligën e Kampionëve.
– Mesfushori i sezonit 2020/21 në Ligën e Kampionëve.
– Sulmuesi i sezonit 2020/21 në Ligën e Kampionëve.
– Portierja e sezonit 2020/21 në Ligën e Kampionëve për femra.
– Mbrojtësja e sezonit 2020/21 në Ligën e Kampionëve për femra.
– Mesfushorja e sezonit 2020/21 në Ligën e Kampionëve për femra.
– Sulmuesja e sezonit 2020/21 në Ligën e Kampionëve për femra.
Ndeshjet e para të fazës së grupeve do të zhvillohen me 14-15 shtator.
\RTV-Okarina\