Reagon Hoti për sulmin ndaj djalit të Nenad Rashiqit

Kryeministri në detyrë, Avdullah Hoti ka reaguar pas sulmit ndaj djalit të politikanit, Nenad Rashiq.

Hoti përmes një postimi në Facebook, ka shkruar se dhuna është e papranueshme dhe e dënueshme.

“Rasti i rrahjes së Nikolla Rashiqit, i biri i Nenad Rashiqit, ishte një akt i papranueshëm dhe si i tillë duhet të trajtohet dhe hetohet nga organet kompetente, ndërsa kryesit e këtij akti duhet të përballen me forcën e ligjit”, ka shkruar Hoti.

Ndryshe, mbrëmë është raportuar se Nikolla Rashiq, djali i Nenad Rashiqit, është rrahur nga rreth 30 persona në fshatin Llapnasellë të Graçanicës derisa po dilte nga shkolla.