Këngëtari i njohur shqiptar, Afrim Muçiqi, së fundmi është përballur me një situatë të pakëndshme në shtetin austriak.
Ai nuk është lejuar të hyjë në Austri përmes kufirit rrugor, për shkak të mos-njohjes së patent-shoferit kosovar nga institucionet austriake.
Në një intervistë për Kanal10, Muçiqi është shprehur se kjo i ka ndodhur rreth orës 03:00 të mëngjesit.
“Unë mbrëmë me familjen time rreth orës 03:00 u pengova të kaloj kufirin me Austrinë, ku policia më ktheu nga kufiri për shkak të pantent-shoferit që për mua ishte një maltretim dhe ofendim si për të gjithë qytetarët”, ka thënë Afrimi.
Unë mendoj që është koha e fundit që zyrtarët tonë të Ministrisë së Punëve të Jashtme që ta kontaktojnë ambasadorin e republikës sonë në Austri dhe normalisht që të zgjidhet një herë e përgjithmonë ky problem”, ka shtuar Muçiqi. /rtvokarina/