Bundesliga gjermane ka mbyllur xhiron e katërt fundjavën që sapo kaloi.
Bayerni, Dortmundi e Wolfsburgu fituan ndeshjet e tyre dhe vazhdojnë të jenë lider në këtë fillim të sezonit.
Bayer Leverkusen 3-4 Borussia Dortmund
Ndeshje spektakolare dhe me plot shtatë gola u zhvillua në ”BayArena” me musafirët që fituan 3-4.
Vendasit ishin tre herë në avantazh, por nuk arritën ta mbanin epërsinë deri në fund.
Golin e parë e realizoi Florian Wirtz në minutën e 9-të për 1-0. Haland e barazoi ndeshjen në 1-1 në minutën e 37-të pas asistimit të Meunier. në fund të pjesës së parë Leverkuseni kaloi sërish në epërsi me golin e Patrik Schick në minutën e parë shtesë. Katër minuta pas fillimit të pjesës së dytë Julian Brandt e barazoi rezultatin në 2-2 pas asistimit të Haland. Moussa Diaby kaloi sërish në epërsi vendasit në të 55-tën, por portugezi Guerreiro barazoi sërish rezultatin. Golin e fitores për verdhezinjët e realizoi norvegjezi Haaland nga penalltia në minutën e 77.
Me rezultatin 3-4 u mbyll takimi.
Tradicionalisht në takimet Leverkusen-Dortmund ka pasur shumë gola teksa në 10 ndeshjet e fundit janë realizuar plot 50 gola.
Leipzig 1-4 Bayern Munich
Bayern Munich ka fituar më me lehtësi sesa që mendohej kundër Leipzigut.
Në ”Red Bull Arena Leipzig” bavarezët fituan 1-4 me golat e Lewandowskit minuta (12), Jamal Musiala (minuta 47), Leroy Sane (minuta 54) dhe Choupo-Moting realizoi në minutën e dytë shtesë. Kurse, për vendasit realizoi Laimer për rezultatin e përkohshëm 3-1 në minutën e 58.
0-2 Wolfsburg
Skuadra e drejtuar nga trajneri Mark van Bommel ka arritur dhe fitoren e katërt në po kaq ndeshje. Kësaj radhe ”viktima” e Wolfsburgut ishte Greuther Fuerth të cilën e mposhti 2-0.
Golin e parë e realizoi Lukas Nmecha në minutën e 10-të, kurse golin e sigurisë e shënoi nga penalltia Wout Weghorst në minutën e parë shtesë në fundin e ndeshjes.
Rezultatet tjera ishin:
Freiburg 1-1 Cologne
Hoffenheim 0-2 Mainz
Union Berlin 0-0 Augsburg
Eintracht Frankfurt 1-1 Stuttgart
Bochum 1-3 Hertha Berlin
Borussia Moenchengladbach 3-1 Arminia Bielefeld
\RTV-Okarina\