Infermieri Enlirat Duraku është nderuar me titullin “Ambasador i paqes” nga Federata Universale e Paqes.
Kështu ka bërë të ditur ai në rrjetin e tij social Facebook.
Ai ka thënë se kjo Federatë mbështet punën e Kombeve të Bashkuara edhe në fushat e ndërtimit të paqes.
Kujtojmë se Duraku para dy ditësh ka ndërprerë grevën 20-ditore të urisë.
Duraku ka hyrë në grevë urie për shkak të mosrritjes së pagesës për ndërrimet e natës për infermierët, për mospagesën e punës gjatë vikendit dhe orëve shtesë.
Shkrimi i tij i plotë:
Familjarë, kolegë dhe dashamirë,
Kam nderin të ju njoftoj që sot u nderova me titullin #Ambasador i #Paqes nga Federata Universale e Paqes (UPF), një organizatë në status të përgjithshëm këshillues me Këshillin Ekonomik dhe Social të Kombeve të Bashkuara ( UN ).
UPF mbështet punën e Kombeve të Bashkuara ( UN ), veçanërisht në fushat e ndërtimit të paqes.
Një falenderim i veçantë shkon për z. Tahir Shabani, Ambasador i Paqes në Francë, përfaqësues i kulturës dhe traditave tona edhe jashtë kufijve dhe lobues për arritjen e paqes botërore.