Organizata Botërore e Shëndetësisë sot paralajmëroi Evropën ti jap fund relaksimit të masave kufizuese kundër pandemisë së koronavirusit, pasi që “një situatë e ngjashme me atë në Indi mund të shfaqet kudo.”
Mediet e huaja shkruajnë se OBSH vlerëson se kriza e madhe shëndetësore që po kalon India mund të jetë për shkak të llojit të mutuar të koronavirusit, që u zbulua për herë të parë atje, por edhe për faktorë të tjerë, të tilla si mosrespektimi i rregullave shëndetësore.
“Është gjithmonë një sfidë e madhe për vendet ku masat individuale të mbrojtjes janë zbutur, ku po zhvillohen tubime masive, ku ka lloje më ngjitëse të mutacioneve dhe ku mbulimi i vaksinimit është i ulët, të gjitha këto mund të krijojnë situatë të komplikuar me covid”, tha drejtori i OBSH-së duke paralajmëruar Evropën.
Në të gjithë Evropën, siç përcaktohet nga OBSH, e cila përfshin shumë vende të Azisë Qendrore, 7% e popullsisë është vaksinuar plotësisht. Sipas organizatës ndërkombëtare, përqindja është më e lartë se ajo e njerëzve të infektuar me covid-19 në të njëjtën zonë, 5.5%.
\RTV-Okarina\
