Këtë mesnatë ka nisur zbatimi i reciprocitetit të Kosovës ndaj Serbisë edhe për çështjen e targave, një vendim i 29 qershorit i Qeverisë së Kosovë, që ndalon përdorimin e targave serbe që mbajnë akronimet e qyteteve të Kosovës.
Targat që do të ndalohen për të hyrë në territorin e Kosovës nga Serbia janë targat ‘PR’, ‘KM’, ‘PZ’, ‘GL’, ‘UR’, ‘PE’, ‘DA’, që janë lëshuar nga 10 qershori 1999 e deri më 21 prill 2022.
Atyre do t’u mundësohet regjistrimi i automjeteve me targat RKS.
Pronarëve të këtyre targave, qeveria u ka thënë afat dy muaj, që t’i marrin targat RKS, që lëshohen nga Qeveria e Kosovës. /rtvokarina/