Policia e Kosovës në pikën kufitare në Ponoshec, dje ka ndaluar një kosovar i cili po bënte tregti të ndaluar me thasë të peletit dhe petë për pica.
Sipas policisë ai kishte të ngarkuar në bagazhin e veturës “Mercedes” rreth 15 thasë pelet dhe 320 copë petë për pica për të cilin mall i dyshuari nuk posedonte dokumentacion përkatës.
“PKK, Ponoshec 03.02.2021-14:10. Njësiti policor ka ndaluar automjetin e tipit “Mercedes” me targa vendore të cilën kishte qenë duke e drejtuar i dyshuari mashkull kosovar. Gjatë kontrollit në bagazhin e automjetit janë gjetur të ngarkuara rreth 15 thasë pelet dhe 320 copë pet për pica për të cilin mall i dyshuari nuk posedonte dokumentacion përkatës.
Me rastin janë marrë edhe inspektorët e tregut, të cilët e kanë sekuestruar mallin nga i dyshuari, pas procedurave me urdhër të prokurorit i dyshuari lirohet në procedurë të rregullt”, thuhet në njoftim.
/RTV-Okarina/