Ministrja e Arsimit, Shkencës, Teknologjisë dhe Inovacionit, Arbërie Nagavci ka bërë të ditur se viti shkollor do të përfundojë më 2 korrik.
Nagavci në një konferencë për media po ashtu bëri të ditur se Testi i maturës do të mbahet më 26 qershor.
“Udhëzimi administrativ që është në fuqi e ka paraparë përfundimin më 10 qershor por për shkak të pushimit pranveror dhe vendimin që kemi marrë për organizimin e pushimit veror është zgjatur mësimi deri më 8 korrik. Përkundër kësaj, nga raportimet nga komunat dhe disa ditë janë zëvendësuar të shtunave dhe mësimi do të zgjatë deri më 2 korrik”, tregoi Nagavci.
Më tej ministrja bëri të ditur se deri në fund të vitit shkollor mësimi do të vazhdojë sipas skenarëve dhe rekomandimeve të IKSHPK-së.