Manchester United posedon një kontigjent të pasur me yje në skuadër, por Anthony Martial duket se nuk po ia del dot të fitoj konkurrencën me bashkëlojtarët.
Madje, me ardhjen e Cristiano Ronaldos dhe Sanchos hapësirat për sulmuesin francez janë zvogëluar shumë.
Edhe në sezonin e kaluar Martial nuk tregoi shumë, kurse në këtë sezon është aktivizuar në pesë ndeshje duke luajtur në total vetëm 100 minuta.
Sipas ”Eurosport” Martial pritet që në janar t’i thotë lamtumirë Manchesterit dhe të vazhdojë karrierën diku tjetër.
Inter, Juventus, Tottenham e Barcelona janë përmendur si opsione të mundshme në të kaluarën për 25 vjeçarin.
”Djajt e Kuq” kërkojnë 35-45 milion euro për numrin 9 të tyre.
Martial u ble me bujë të madhe nga Man Utd për 60 milion euro në merkaton e verës së 2015-tës.
Deri më tani francezi ka luajtur në 263 ndeshje zyrtare duke realizuar 78 gola dhe dhuruar 50 asistime.
\RTV-Okarina\