Përmes një postimi në llogarinë facebook, Kryetari Jashari ka njoftuar që familja 5 anëtarëshe e Bekim Gjeloshit nga fshati Qubrel, me kushte të rënda ekonomike dhe me fëmijë të sëmurë së shpejti do të bëhet me shtëpi të re.
“Këtë lajm të mrekullueshëm kësaj familje ia dhamë bashkë me hoxhën e nderuar Halil Kastrati dhe këngëtaren tonë Leonora Jakupi”, shkruan Jashari në llogarinë facebook.
Kjo shtëpi do të ndërtohet nga shoqata “Jetimat e Ballkanit”, falë donatorëve dhe humanizmit të hoxhës, Halil Kasrati.
Përveç shtëpisë kjo familje tash e tutje do të përfitojë për çdo muaj përkrahje financiare nga familja e Akif Podrimçaku nga Drenasi, me banim në Slloveni.
Tutje, kryetari Jahsari shpreh një falënderim të madh për Shoqatën “Jetimat e Ballkanit”, hoxhën e nderuar Halil Kastrati dhe familjen e Akif Podrimçaku për përkrahjen e tyre të dhënë për këtë familje nevojtare!
/RTV-Okarina/
