Deri sot largimi i Coutinhos nga Barcelona dukej thuajse i sigurt, por pas fjalëve të trajnerit Ronald Koeman pritet që të ndërroj situata.
Philippe Coutinho u përfol se mund të transferohet tek Arsenali apo Lazio, por braziliani është pjesë e planeve të trajnerit holandez.
Koeman para gazetarëve tha fjalë shumë të mira për 29 vjeçarin dhe konfirmoi mbështetjen për mesfushorin polivalent.
”Philippe është jashtë sepse mendoj se atij i duhet edhe një javë për t’u stërvitur me grupin para se të thirret. Unë vërtet mbështetem tek ai sepse ai është një lojtar i shkëlqyeshëm. Ai mund të jetë i rëndësishëm për Barçën. Ai filloi të luante vitin e kaluar, pastaj kishte një dëmtim. Unë me të vërtetë mbështetem te Coutinho për këtë sezon. Coutinho mund të luajë në pozicione të ndryshme. Ai mund të luajë nga krahu i majtë, i djathtë dhe në qendër. Ne kemi humbur gola me largimin e Messit dhe duhet t’i kërkojmë tek lojtarët e tjerë. Philippe është njëri prej tyre”, tha mes tjerash holandezi.
Barcelona nesër do të luajë si musafir i Athletic Bilbaos në ”San Mames Barria” me fillim nga ora 22:00 në kuadër të javës së dytë në LaLiga Santander.
\RTV-Okarina\