Përmes një postimi në llogarinë facebook kryetari Jashari ka bërë të ditur që si rezultat i përformancës së mirë që kanë treguar në qeverisjën komunale, sot ka nënshkruar marrëveshje me Ministrin e Pushtetit Lokal, Elbert Krasniqi dhe përfaqësuesin e “Helvetas Swiss Intercooperation”, për shfrytëzimin e Grantit të Përformancës, në realizim të 5 projekteve kapitale në komunën tonë.
Mjetet e fituara nga Granti i Përformancës, do të shfrytëzohen për realizimin e këtyre projekteve:
1. Instalimi i kyçjeve individuale të ujësjellësit në fshatra, faza 2;
2. Ndërtimi i bulevardit në rrugën “Ilaz Kodra”;
3. Ndërtimi i çerdhes për femijë, në lagjen 2, faza e dytë;
4. Rregullimi i poligoneve sportive, në Burojë tek shkolla fillore, Kuqicë si dhe rregullimi i hapësirës përreth poligonit sportiv në lagjen 2;
5. Renovimi i zyreve të gjendjes civile në Bashkësi Lokale të Skenderajt.
“Realizimi i këtyre projekteve do të bëhët këtë vit dhe do të ndikojë drejtëpërdrejtë në ngritjen e standartit jetësor të qytetarëve të komunës sonë.
Një falënderim për Ministrinë e Pushtetit Lokal, Donatorët e Grantit të Përformancës si dhe qytetarët e komunës sonë për besimin dhe bashkëpunimin në bashkëqeverisje duke arritur progres në avancimin e përformancës së mirë, transparencës dhe llogaridhënies.”, shkruan ndër të tjera Jashari.
\RTV-Okarina\