Një tërmet i fuqishëm me magnitudë 7.1 goditi Filipinet në ishullin Luzon sot, të mërkurën, duke dëmtuar ndërtesa dhe duke shkaktuar rrëshqitje të dheut.
Lëkundjet deri në kryeqytetin Manila, ku u evakuuan ndërtesat e larta.
Nuk pati raportime të menjëhershme për vdekje apo lëndime. Energjia elektrike është ndërprerë automatikisht në disa zona të prekura si masë paraprake sigurie.
“Ky është një tërmet i madh. Ne presim pasgoditje të forta,” tha Renato Solidum, drejtor i agjencisë shtetërore të sizmologjisë, i cili shtoi se “fokusi i vëmendjes është në Abra dhe provincat e afërta.”
Epiqendra ishte afër qytetit Lagangilang në provincën Abra. Ajo ka një popullsi prej 250,000 banorësh, e rrethuar nga male të thyer.
“Ne po ndiejmë pasgoditje çdo 15 minuta,” tha zëvendësguvernatori i provincës Abra, Joy Bernos, për një program lajmesh televizive lokale.