Për shkak të fluksit të madh në pikën kufitare të Merdarës, policia ka apeluar qytetarët që t’i shfrytëzojnë edhe pikat e tjera kufitare, në mënyrë që të shmangen kolonat dhe pritjet e gjata.
“Policia e Kosovës, zyrtarë policorë të kufirit, janë duke punuar me kapacitete të plota, në këtë kohë kur fluksi i hyrje/daljeve nga territori i Republikës së Kosovës është më i madhë, sidomos në Pikën e Kalimit Kufitar Merdare”, ka njoftuar policia.
“Departamenti i Kufirit i Policisë së Kosovës, njofton të gjithë qytetarët, në veçanti bashkatdhetarët që janë duke shfrytëzuar Pikën e Kalimit Kufitar Merdare për hyrje-daljen për në Republikën e Kosovës, se : për shkak të fluksit të madh të udhëtareve pritjet janë të gjata dhe apelojmë te të gjithë që të shfrytëzohen edhe pikat tjera të kalimit kufitar. Koha e pritjes nuk varet vetëm nga zyrtarët tanë andaj bëjmë apel tek qytetaret që të shfrytëzojnë edhe pikat tjera kufitare, ku ka fluks më të vogël dhe pritjet janë minimale”, ka shtuar policia.
Pikat e tjera kufitare të shfrytëzueshme janë: Jarinje, Mutivodë, Muçibabë dhe Dheu i Bardhë.
Më poshtë ju sjellim një foto të publikuar nga policia, në të cilën gjeni kohën që mund t’jua marrin pritjet nëpër pikat kufitare.
\RTV-Okarina\