Shtëpia më e madhe e futbollit në botë, “FIFA” ka dënuar ashpër idenë për themelimin e Superligës së Europës.
Dymbëdhjetë klube të mëdha të futbollit njoftuan të dielën për krijimin e “European Super League” dhe kanë hyrë në konflikt të hapur me Champions League, UEFA-n dhe me ligat.
Për këtë arsye ka reaguar edhe presidenti i FIFA-s, Gianni Infantino.
“Në FIFA, ne kundërshtojmë me forcë krijimin e Superligës. Kjo cilësohet si kampionat privat dhe një ndërprerje me institucionet aktuale. Nuk ka dyshim për mosmiratimin e FIFA-s. Kemi mbështetje të plotë për UEFA-n”, ka thënë Infantino.
Rikujtojmë që këto janë 12 klubet “themeluese” të Superligës: Chelsea, Manchester City, Manchester United, Liverpool, Arsenal, Tottenham, Real Madrid, Barcelona, Ateltico Madrid, Inter, Juventus dhe AC Milan.
\RTV-Okarina\