Policia e Kosovës ka njoftuar se bazuar në vendimet e fundit të Qeverisë lidhur me respektimin e masave mbrojtëse për COVID-19, njësitet policore të DRP Ferizaj në bashkëpunim me inspektorët komunal janë angazhuar maksimalisht nëpër qendrat tregtare, kafiteritë dhe lokacionet tjera më të frekuentuara nga qytetarët.
Sipas njoftimit janë hasur persona të cilët nuk i kanë përfillur të njëjtat dhe nga ana e zyrtarëve policorë gjatë kësaj kohe janë shqiptuar 767 tiketa janë mbyllur 5 lokale, si dhe janë dhënë 212 vërejtje policore.
“Apelojmë tek qytetarët që ti respektojnë masat e parapara ligjore me qëllim të ruajtjes së shëndetit të tyre dhe familjarëve të tyre. Policia e Kosovës do të vazhdoj me përmbushjen e detyrave të saj dhe në çdo kohë dhe çdo vend ku do të hasen personat të cilët nuk i respektojnë masat, ndaj tyre do të veprohet sipas ligjit në fuqi’, thuhet në njoftim.
\RTV-Okarina\