I shoqëruar nga anëtarët kabinetit qeveritar, Kryetari i Komunës së Vushtrrisë, z. Ferit Idrizi, bëri hapjen zyrtare të Manifestimit tradicional “Ditët e Diasporës”, fillimisht me ekspozitën “Into the ocean” të piktores vushtrriase, znj. Fjolla Ferati, për të vazhduar më pas në sheshin e qytetit me koncertin “Ti je pjesë e atdheut”.
Kryetari Idrizi në fjalën e tij përshëndeti qytetarët e Vushtrrisë, duke iu dëshiruar mirëseardhje bashkatdhetarëve vushtrrias dhe pushime të rehatshme në vendlindjen e tyre.
Manifestimi tradicional “Ditët e Diasporës” organizohet nga data 21 – 24 korrik 2022, nën patronazhin e Kryetarit të Komunës, në nderim dhe mirëseardhje të bashkatdhetarëve tanë nga diaspora.