Ndonëse nuk është e pamundur, është mjaft e rrallë që një i porsalindur të mbërrijë në botë me një dhëmb.

Dy muaj më parë është regjistruar edhe në Kroaci, më saktë në Spitalin e Përgjithshëm të Qarkut të Pozhegës. Një djalë i vogël ka lindur me një dhëmb në nofullën e poshtme.

“Kur thashë në spital që foshnja kishte një dhëmb, infermieret nuk më besuan derisa doktori e konfirmoi. Ndoshta menduan se nuk isha normale, siç mendojnë shumica kur them se djali im, i cili është më pak se dy muajsh, tashmë ka një dhëmb me të cilin ka lindur”, tha nëna e djalit për SB Online, e cila dëshiron të mbetet anonime.

Nëna beson se një dhëmb është një shenjë e mirë dhe kjo do të thotë se do të ketë më pak probleme kur foshnja të fillojë t’i rritë dhëmbët e tjerë.

Djali tashmë po konsiderohet si fenomeni i Pozhegas sepse shanset që një foshnjë të lindë me dhëmb janë 1 në 2000.

Ndryshe, dhëmbët me të cilët lind një foshnjë quhen dhëmbë natal dhe hiqen vetëm nëse paraqesin vështirësi gjatë ushqyerjes ose rreziku i rënies, gjë që mund të shkaktojë vdekjen. /Telegrafi/