Superylli portugez Cristiano Ronaldo mbrëmë përjetoi një nga mbrëmjet më të vështira në karrierën e tij futbollistike.
Manchester Unitedi i tij u mposht si vendas në ”Old Trafford” nga Liverpooli me rezultatin 0-5.
Pas kësaj humbjeje, pesë herë fituesi i Topit të Artë ka reaguar në rrjetet sociale duke thënë se faji është i futbollistëve për këtë humbje tronditëse.
”Ndonjëherë rezultati nuk është ai për të cilin luftojmë. Ndonjëherë llogaria nuk është ajo që duam. Dhe kjo është tek ne, vetëm tek ne, sepse askush tjetër nuk ka faj. Tifozët tanë ishin edhe një herë të mrekullueshëm në mbështetjen e tyre të vazhdueshme. Ata meritojnë më mirë se kaq, shumë më mirë, dhe na takon neve t’ua dhurojmë. Koha është tani!”, ka shkruar Ronaldo
Pas kësaj disfate pritet që drejtuesit e Manchester United të shkarkojnë trajnerin Solskjaer. Emri më i përfolur për të marrë drejtimin e ”Djajve të Kuq ” është Antonio Conte.
\RTV-Okarina\