Kanë përfunduar ndeshjet e xhiros së pestë në Champions League, ku tashmë janë konfirmuar 11 skuadra që kanë siguruar kalimin në fazën tjetër.
Në grupin A, Manchester City ka fituar ndeshjen më interesante të mbrëmjes duke e mundur PSG-në 2-1, por ky rezultat i kualifikoi të dy skuadrat pasi Club Brugge u mund thellë nga Leipzig.
Në grupin B, Milan mori një fitore minimale por shumë të rëndësishme përballë Atletico Madridit dhe tashmë ka gjasa reale të kualifikohet në 16-të më të mirat.
Në ndeshjen tjetër Liverpooli mundi Porton 2-0 duke bërë që të mos e siguronin kalimin tutje portugezët.
Në këtë grup vetëm Liverpooli e ka siguruar kualifikimin që nga xhiro e kaluar, kurse tre skuadrat tjera do luftojnë për vendin e dytë.
Në grupin C ndodhi befasia, Dortmund u mund 3-1 nga Sportingu dhe kështu eleminohet nga Champions League dhe garat do t’i vazhdojë në Europa League.
Kurse Ajaxi që veç se e kishte siguruar kualifikimin në fazën tjetër, fitoi 2-1 si musafire e Besiktasit.
Në grupin D, Real Madridi e Interi kalojnë tutje pas fitoreve kundër Sherifit, respektivisht Shakhtarit.
Italianët e kalojnë fazën e grupeve pas 10 vjet dështimi në këtë kompeticion.
Rezultatet:
\RTV-Okarina\