Bekim Haxhiu – Kamishi Ligji për Pagat në sektorin publik, rritja e pagës minimale, rritja e pensioneve dhe rritja e asistencës sociale janë domosdoshmëri, pas rritjes së çmimeve dhe rritjes se inflacionit.

Haxhiu: Pas rritjes enorme të çmimeve, Qeveria me urgjencë të merr vendim për rritjen e pagave

Pas rritjes së çmimeve në Kosovë ka reaguar deputeti i PDK-së, Bekim Haxhiu i cili ka propozuar me urgjencë të merret vendim për rritjen e pagave.

“Ligji për Pagat në sektorin publik, rritja e pagës minimale, rritja e pensioneve dhe rritja e asistencës sociale janë domosdoshmëri, pas rritjes së çmimeve dhe rritjes se inflacionit” ka shkruar Haxhiu.

Postimi i plotë:

Ligji për Pagat në sektorin publik, rritja e pagës minimale, rritja e pensioneve dhe rritja e asistencës sociale janë domosdoshmëri, pas rritjes së çmimeve dhe rritjes se inflacionit.

Pas rritjes enorme të çmimeve të produkteve të konsumit të përditshëm, Qeveria do të duhej me urgjencë të merrte vendim për rritjen e pagave.

Ligji për Pagat është pothuajse i gatshëm.

Duke qenë se Qeveria nuk po merr vendime efikase për trajtimin e dinjitetshëm të punëtorëve shëndetësor, specialistëve e mjekëve ata po detyrohen të largohen jashtë vendit aty ku puna dhe profesioni i tyre çmohet e paguhet mirë.

Uroj që kjo Qeveri të reflektoi e ta sjellë në Kuvend për miratim Ligjin e Pagave para se të kolapsoi sistemi shëndetësor por edhe sektorët tjerë.