Komuna e Mitrovicës e udhëhequr nga Bedri Hamza iu ka drejtuar qytetarëve të Mitrovicës një apel për të kursyer ujin, duke shkruar:
“Apel për përdorim racional dhe kursim të ujit të pijes
Në mënyrë që të gjithë qytetarët të kenë furnizim të rregullt me ujë të pijshëm, na nevojitet bashkëpunimi juaj në drejtim të kursimit dhe përdorimit racional të ujit të pijes.
Andaj, përfaqësuesit e Komunave: Mitrovicë, Vushtrri, Skënderaj dhe Menaxhmenti i Ujësjellësit Rajonal “Mitrovica” apelojnë tek të gjithë qytetarët/konsumatorët e ujësjellësit që gjatë muajve të verës, ujin e pijes, mos ta përdorin për ujitje të kopshteve, mbushjen e pishinave, larjen e makinave dhe qëllimeve të tjera të ngjashme.
Lusim konsumatorët për vetëdijesim në përdorimin racional te ujit të pijes dhe mos keqpërdorim të tij, vetëm në këtë mënyrë do të ketë ujë të mjaftueshëm për pije, pastrim, higjienë, zierje, larje rrobash etj, pasi që sasia e ujit të prodhuar në impiantet për Trajtimin e Ujit të Pijes në Shipol dhe Balinc kanë tejkaluar kapacitetet normale të prodhimit.
Vetëm bashkërisht mund t’ia dalim!” /RTV Okarina/