Kun Aguero është pensionuar edhe zyrtarisht nga futbolli në moshën 33 vjeçare për shkak të problemeve shëndetësore në zemër.
Lajmi i lamtumirës u dha përmes një konference të organizuar nga presidenti i Barcelonës Joan Laporta.
Kjo konferencë kishte shumë emocione për shkak të pensionimit të parakohshëm të argjentinasit, i cili në fjalët e tij ishte shumë emocional.
“Ky njoftim është për t’ju bërë të ditur se kam vendosur të ndaloj së luajturi futboll profesionist. Është një vendim shumë i vështirë. Para së gjithash, është shëndeti im; e dini problemin që pata një muaj e pak më parë. Isha në duar të mira me mjekët, ata më thanë se gjëja më e mirë për të bërë ishte të ndaloja së luajturi dhe e mora këtë vendim një javë ose 10 ditë më parë. Bëra gjithçka për të parë nëse kishte ndonjë shpresë, por nuk kishte shumë shpresë, jam krenar dhe i lumtur për mënyrën se si shkoi karriera ime. Që kur isha pesë vjeç kam ëndërruar të luaj futboll, të jem në Kategorinë e Parë (argjentinase), nuk kam menduar kurrë të shkoj në Evropë. Dua të falënderoj Independiente, Atletico Madrid, të cilët besuan tek unë kur isha 18 vjeç, njerëzit në City, të cilët e dinë se si ndihem, kam lënë më të mirën dhe Barcelonën. Për Barcelonën, ka qenë e pabesueshme, e dija se do të vija në një nga klubet më të mira në botë, por gjërat ndodhin për një arsye. Dhe për ekipin kombëtar, që është ajo që dua më shumë”, përfundoi argjentinasi Aguero.
Pas pensionimit të Agueros kanë reaguar shumë futbolldashës në rrjetet sociale.
Aguero gjatë karrierës së tij ka fituar:
5x Premier League me Manchester Cityn (2012 – 2014 – 2018 – 2019 – 2021)
6x Kupën e ligës angleze me Manchester Cityn (2014 – 2016 – 2018 – 2019 – 2020 – 2021)
3x Superkupën angleze me Manchester Cityn (2013 – 2019 – 2020)
2x Kupën e Botës me Argjentinën U20 (2005 – 2007)
1x Copa America me Argjentinën (2021)
1x Europa League me Atletico Madridin (2010)
1x Superkupën e Europes me Atletico Madridin (2011)
1x FA Cup me Manchester Cityn (2019)
1x Medaljen e Artë Olimpike me Argjentinën (2008)
1x Golashënuesi më i mirë në Premier League (26 gola 2014/15)
Një karrier e pasur me trofe dhe gola.
Aguero ka luajtur për Manchester Cityn në 390 ndeshje duke realizuar 260 gola dhe dhuruar 73 asiste.
Për Atletiko Madridin ka luajtur në 230 ndeshje duke realizuar 100 gola dhe dhuruar 45 asiste.
Për Club Atletico Independiente ka luajtur në 38 ndeshje duke realizuar 18 gola, kurse aventura e tij tek Barcelona zgjati fare pak pasi që luajti vetëm në 5 ndeshje, por arriti të shënonte një gol.
Aguero me kombëtaren e Argjentinës debutoi më 2 shtator 2006 dhe zhvilloi në total 101 ndeshje duke shënuar 41 gola.
\RTV-Okarina\