Ambasadori i Shqipërisë në Kosovë, Qemal Minxhozi, ka thënë se Kosova dhe Shqipëria e kanë pasur problem sigurimin e vaksinave anti-Covid.
Por që sipas tij, të dy vendet janë në luftë të vazhdueshme për të siguruar sa më shumë doza të kësaj vaksine.
“Gjithë bota lufton për vaksinën. Dhe ka pasur probleme kudo për sigurimin e vaksinës. Po është një luftë e vazhdueshme për sigurimin e saj si në Kosovë poashtu edhe në Shqipëri”.
Minxhozi theksoi që masat e ndërmarra nga Qeveria e Kosovës janë të duhura pasi që qëllim kanë zvogëlimin e rasteve te të infektuarve, duke rikujtuar që të tilla masa janë marrë në të gjithë rajonin.
“Mendoj që janë masa në kohën e duhur që kanë të bëjnë me parandalimin e shpërndarjes së virusit. Ka qenë një situatë sa politike sa ndryshime qeverish”.
“Dhe ka ardhur momenti për të ndaluar numrin e të infektuarve dhe zbutur numrin e vdekjeve dhe besojmë që autoritet shëndetësore të Kosovës. Këtë proces e kemi pasur edhe në Shqipëri prandaj kudo në rajon masa të tilla merren për të parandaluar përhapjen e kësaj sëmundje”.
Tutje, Minxhozi ka bërë apel në respektimin e masave, edhe përkundër se ndërmjet të dy vendeve nuk ka nevojë për teste për të kaluar kufirin, raporton EO.
“Është vendosur prej muajsh që ndërmjet Kosovës dhe Shqipërisë nuk do të ketë ndalesa të qytetarëve që do të thotë nuk kanë nevojë për të pasur teste reciproke në kufi ose për të paraqitur dokumentacionin që është bërë një test si Tiranë apo në Prishtinë dhe kjo është pozitive por që do thotë që duhet të jemi të kujdesshëm me masat”, tha Minxhozi.
/RTV-Okarina/