Ka rënë nga sistemi faqja që shërbente për të aplikuar rreth vaksinimit antiCovid në vend.

Platforma e shërbimeve online https://ekosova.rks-gov.net/ ka lansuar një aplikacion ku mund të aplikoni për vaksinimin anti-Covid. Bëhet fjalë për  opsionin “Aplikimi për vaksinim kundër Covid-19”.

Kjo uebfaqe ka rënë menjëherë nga sistemi dhe për momentin nuk ka qasje.

Të dielën në Kosovë ka arritur kontingjenti i parë i vaksinave antiCovid të kompanisë AstraZeneca, i cili përmban 24 mijë doza të kësaj vaksine.

Në Klinikën Infektive të Qendrës Klinike dhe Universitare të Kosovës, tashmë ka filluar vaksinimi i stafit shëndetësor.

Ndërsa, gjatë ditës së djeshme për herë të parë me AstraZeneca u vaksinua kryeministri i Kosovës, Albin Kurti, zyrtarja e OBSh-së në Kosovë, Isme Humolli, infektologu, Sali Ahmeti dhe aktori Selman Jusufi.

/RTV-Okarina/