Zlatan Ibrahimovic argumentoi se kthimi i tij në ekipin suedez lidhet me sezonin e shkëlqyeshëm që po kalon në Milan dhe jo për shkak të faktorëve të tjerë.
“Unë jam kthyer përsëri, sepse e meritoj këtë, për atë që kam bërë në muajt e fundit dhe jo sepse jam Zlatan Ibrahimovic, por për atë që bëj në fushë. Kjo është arsyeja pse unë u ftova. Unë mbetem në një nivel shumë të lartë dhe mund ta ndihmoj ekipin në shumë mënyra brenda dhe jashtë fushës ”, tha shënuesi suedez në një intervistë me kanalin e federatës suedeze në YouTube.
Sulmuesi tani është ftuar për ndeshjet me Gjeorgjinë, Estoninë dhe Kosovën.