LAJME Storjet kryesore

Amerikanët kanë mbajtur ceremoninë e dytë e dërgimit të ushtarëve të Kosovës në misione paqeruajtëse

February 7, 2021
okarina

Është mbajtur ceremonia e radhës e organizuar me rastin e dërgimit të përbashkët të trupave nga Forca e Sigurisë Kosovës dhe Garda Kombëtare e Iowa-së në mision paqeruajtës.

Me ftesë të Gardës Kombëtare të Iowa-së, shefi i Misionit në Konsullatën në Iowa, Artan Duraku i shoqëruar nga Koloneli Ilir Qeriqi, Attashe ushtarak në Ambasadën e Kosovës në Washington, DC, morën pjesë në ceremoninë e organizuar me rastin e dërgimit të përbashkët të trupave të Forcave të Sigurisë së Kosovës dhe Gardës Kombëtare e Iowa-së në mision të përbashkët paqeruajtës (Sendoff ceremony for the 3654 Support Maintenance Company).

Kjo ceremoni e jashtëzakonshme u organizua nga Garda Kombëtare e Iowa-së në kampin Camp Dodge, dhe u nderua me përfaqësues të nivelit shtetërorë federal, ushtarak, si dhe përfaqësues lokal të Shtetit të Iowa-së, si: Kim Reynolds, Guvernatore e Shtetit të Iowa-së; Joni Ernst, Senatore e Shteteve të Bashkuara të Amerikës nga Iowa; Dave Allen, Veteran si dhe përfaqësues nga zyra e Senatorit Charles Grassley; Mariannette Miller-Meeks, Kongresmene amerikane nga distrikti i dytë, Iowa, MG Benjamin Correll, Gjenerallejtënant i Gardës Kombëtare të Iowa-së, Gjeneral Brigade Steven Kremer, Garda Kombëtare e Iowa-së, Paula Dierenfeld, Kryetare e qytetit Johnston (qytet i binjakëzuar me Pejën), etj.

“Faleminderit popullit te Iowa-së, si dhe udhëheqësve si në nivel shtetëror ashtu edhe në atë federal për besimin ndaj të arriturave të FSK-së dhe popullit të Kosovës”, ka shkruar Duraku.