U.d. Presidentja, Vjosa Osmani ka pranuar sot letrat kredenciale të ambasadorit të ri të Luksemburgut, Patrick Heck.
U.d. Presidentja Osmani i ka uruar mirëseardhje ambasadorit Heck dhe e ka falënderuar shtetin e Luksemburgut për ndihmën e dhënë për Kosovën në ngritjen e kapaciteteve në sferën e shëndetësisë dhe të arsimit.
Osmani ka folur me ambasadorin Heck edhe për zgjedhjet e jashtëzakonshme, duke shfaqur besimin për një proces të rregullt zgjedhor dhe me integritet.
Të dy bashkëbiseduesit u pajtuan se bashkëpunimi ndërmjet Kosovës dhe Luksemburgut është i shkëlqyeshëm dhe se synohet thellimi i mëtejmë.
/RTV-Okarina/