Komandanti i FSK-së takoi Shefin e Shtabit të Ushtrisë Amerikane
Komandanti i FSK-së Gjenerallejtënant Bashkim Jashari, ka udhëtuar për në Garmisch të Gjermanisë me ftesë të Shefit të Shtabit të Ushtrisë së Shteteve të Bashkuara të Amerikës, Gjeneral James Mcconville për të marrë pjesë në Konferencën e Ushtrive Evropiane (CEA). Në suaza të konferencës, Gjeneral Jashari fillimisht pati takim me Gjeneral Mcconville, ku falënderoi Gjeneral Mcconville, ushtrinë amerikane dhe SHBA-të për përkrahjen e vazhdueshme për shtetin e Kosovës dhe Forcën e Sigurisë së Kosovës.
FSK vazhdon të zhvillohet duke u bazuar në doktrinë, stërvitje dhe me pajisje amerikane, që lehtëson ndërveprueshmërinë mes dy ushtrive dhe trajnimet e përbashkëta. Gjeneral Jashari dhe Gjeneral Mcconville u pajtuan për rritjen dhe fuqizimin e bashkëpunimit mes dy ushtrive.