Braziliani Marcelo është larguar zyrtarisht nga Real Madridi pas plotë 15 viteve.
34-vjeçari largohet si një legjendë e klubit “mbretëror, ku me ta fitoi plotë 25 trofe.
Fjalimi i plotë i Marcelos:
“I premtova vetes që nuk do të qaj dhe do të flas normalisht por është shumë e komplikuar. Ka qenë një aventurë e jashtëzakonshme. Sot, largohem si lojtari me më së shumti trofe të fituar në historinë e klubit më të mirë në botë.”
“Dua të falënderoj Real Madridin, klubin më të mirë në botë. Jam zgjuar çdo ditë me një buzëqeshje në fytyre. Kur u largova nga Brazili kisha në mendje vetëm të luaja në Champions, ndërsa sot jam lojtari që ka fituar më së shumti tituj në Real Madrid.”
“Nuk është një lamtumirë sepse nuk mendoj që do largohem ndonjëherë nga Real Madridi.”
“Raul Gonzalez, kapiten, të falënderoj për këshillat dhe gjithçka që ke bërë për mua kur erdha në Madrid. Të kam patur gjithmonë pikë referimi. Kisha një shembull të fortë këtu dhe ai ishit ju. Nuk do e harroj kurrë ndihmën që më ke dhënë mua dhe familjes time kur Enzo lindi.”
“Jam me fat. Gjithçka që kisha në jetë kishte të bënte me punën dhe talentin por isha me fat që kam patur kaq shumë njerëz që më mbështesnin. Familja ime, gjyshi im, bashkëshortja ime, bashkëlojtarët e mi, trajnerët, presidenti. Faleminderit të gjithëve.”
“Nëse vij një ditë këtu dhe nuk më jepni një biletë në stadium, do të keni probleme (qeshet).”
“Kam thënë që e ardhmja e Real Madridit është shumë premtuese ashtu siç ka qenë gjithmonë. Këtu e perfshij edhe djalin tim (qeshet).”
“Kam ardhur si fëmije dhe po largohem si burrë. Faleminderit të githëve.”
Marcelo me Real Madridin ka zhvilluar 545 ndeshje, duke shënuar 38 gola dhe dhuruar 103 asiste.