Drenica dhe Ballkani do të përballen mes vete nesër (e diel) duke filluar nga ora 15:00 në kuadër të xhiros së 35-të të BKT Superligës
Në stadiumin “Bajram Aliu” në Skenderaj, kuqezinjtë do të tentojnë të marrin tri pikët kundër portokallinjëve nga Suhareka të cilët luajnë thjeshtë për prestigj pasi veç se e kanë siguruar titullin kampion për këtë edicion.
Në gjashtë ndeshjet e fundit në “Bajram Aliu” Drenica ka marrë dy fitore, Ballkani ka marrë tri të tilla, kurse një ndeshje ka përfunduar në barazim.
Për këtë ndeshje kaq të rëndësishme në luftën për mbijetesë, klubi ka vendosur që tifozët mund të hyjnë në stadium falas dhe ta përkrahin skuadrën.