Sot e dorëzoi ditarin për herë të fundit një nga mësimdhënësit më të dalluar e më të dashur në Skenderaj, arsimtari i lendës së gjeografisë, Ramiz Bajraj.
Lajmin për pensionimin e kanë dhene kolegët e Ramizit nëpërmjetë rrjetit social “facebook”.
Ai përcolli gjenerata të shumta duke qenë mësimdhënës i përkushtuar e me shumë merita.
Njoftimi i plotë:
Sot ishte dita e fundit e punës se arsimtarit të nderun dhe shumë të respektuar Ramiz Bajraj njëkohësisht edhe pensionimi i Tij.
Ta përmbyllësh një kapitull të historisë jetësore në misionin e shenjtë-mësimdhënës është përgjegjësi shumë e madhe.
Kontributi i arsimtarit në procesin edukativo-arsimor është shembull dhe për çdo lëvdatë.
Stafi udhëheqës i shkollës, kolegët dhe stafi teknik, urojnë që shëndeti, lumturia e mbarësia t’ju përcjellin për kohë të gjatë me gjithë familjen, e cila mbetet krenare me veprat tua!