Drenica dhe Prishtina do të përballen nesër (e enjte) nga ora 13:00 në stadiumin “Bajram Aliu”.
Drenicasit kanë ditur që çdo herë në Skenderaj t’iu shkaktojnë shumë probleme bardhekaltërve dhe edhe kësaj radhe pritet që të zhvillohet ndeshje shumë e luftuar.
Kuqezinjët nuk i kanë harruar aspak padrejtësitë që iu bën atyre në dy ndeshjet e fundit përballë kryeqytetasve dhe kjo pritet të ndikoj edhe më shumë që të jenë me motivim shtesë.
“Shqiponjat e Zeza” e kanë nisur shumë mirë stinorin pranveror duke marrë një barazim dhe një fitore, kurse “Plisat” vjen pas dy humbjeve në këto dy gjirot e stinorit pranveror.
Në dhjetë ndeshjet e fundit në Superligë, Prishtina ka regjistruar shtatë fitore, dy fitore ka marrë Drenica, kurse vetëm një ndeshje ka përfunduar në barazim.