Nesër Kosova takohet me Greqinë në sfidën e fundit për këto kualifikime të Kampionatit Botëror.
Kombëtarja e Kosovës momentalisht zë pozitën e fundit në grup me vetëm katër pikë, shkruan lajmi.net.
Përformanca e Kosovës nuk u ka pëlqyer aspak tifozëve “Dardanët” të cilët kanë kritikuar futbollistët para ndeshjes së nesërme, dhe u kanë bërë thirrje që të ulin kokën dhe të bëjnë çmos që tifozëve t’ua ofrojnë një buzëqeshje meritore.
Ky është postimi i plotë i tifozëve Dardanët në rrjetin social Facebook:
“Kombëtarja jonë nesër përfundon kualifikueset për botërorin Katar 2022.
Nuk ishte kjo Kosova që donim. Nuk ishte kjo Kosova që ne kishim pritshmëri ta shohim. Nuk është kjo Kosova qe ne kemi dëshirë ta shohim.
Megjithatë, ndaj Greqisë në Athinë një rrëshqitje e radhës nuk arsyetohet.
Djelmoshat ta ulin kokën dhe të bëjnë çmos që tifozëve kosovarë t’ua ofrojnë një buzëqeshje meritore në ndeshjen e fundit të vitit”.
Forca Kosova!
Besa, besë! /rtvokarina/