Ushtria izraelite duket se nuk po ngopet me ushtrimin e dhunes, vrasjes së burrave, grave, fëmijëve dhe torturave ndaj palestinezëve.
Shumë palestinez janë vrarë pa të drejtë nga izraelitët tash e një kohë të gjatë.
Ushtria izraelite ka vendosur një program të gjerë të njohjes së fytyrës për të gjurmuar palestinezët në Bregun Perëndimor të pushtuar nga Izraeli, sipas një raporti të ri nga The Washington Post.
Sipas mediave të huaja, ish-ushtarët izraelitë i treguan Post për një teknologji të telefonit inteligjent të quajtur “Blue Wolf”, i cili merr fotografi të palestinezëve dhe i ruan ato në një bazë të dhënash në shkallë të gjerë.
Pasi kapet një imazh, “Blue Wolf” e krahason me një person në bazën e të dhënave të tij dhe siç përshkruan Post, telefonat e ushtarëve më pas do të ndezin një ngjyrë specifike që tregon nëse ai individ duhet të arrestohet, ndalohet ose lihet i pashqetësuar.
The Post vë në dukje se ushtria izraelite ka mbushur bazën e të dhënave me mijëra imazhe të palestinezëve gjatë dy viteve të fundit, dhe madje ka mbajtur “konkurse” që shpërblejnë ushtarët për marrjen e fotografive më të shumta të njerëzve.
Baza e të dhënave është në thelb një “Facebook për Palestinezët”, tha një ish-ushtar për Post.
Ndryshe, ushtria izraelite ka vendosur gjithashtu kamera në të gjithë qytetin e Hebron që skanojnë fytyrat e palestinezëve dhe i identifikojnë ato për ushtarët në postblloqe.
Ndërkohë, një seri kamerash CCTV, disa prej të cilave janë drejtuar në shtëpitë e njerëzve, ofrojnë monitorim të drejtpërdrejtë 24/7.
\RTV-Okarina\