Juventus sonte me fillim nga ora 18:30 në ”Allianz Stadium” do të përballet me Sassuolon në kuadër të xhiros së 10-të në Serie A.
”Zonja e vjetër” vjen në këtë ndeshje pas katër fitoreve dhe dy barazimeve në Serie A, ku në xhiron e fundit barazuan 1-1 kundër kampionëve në fuqi të Interit.
Kurse Sassuolo në pesë ndeshjet e fundit ka marrë dy fitore, dy humbje dhe një barazim.
Në nëntë ndeshjet e fundit në Serie A ndërmjet tyre, Juventusi ka fituar 7 prej tyre, kurse dy ndeshjet e fundit kanë përfunduar në barazim 2-2 dhe 3-3.
Bardhezinjët zakonisht iu kanë shënuar shumë gola gjelbërezinjëve teksa në këto nëntë ndeshje iu kanë shënuar plotë 28 gola, kurse Sassuolo kanë realizuar 9 gola në portën ”Bianconere”.
Duke marrë parasysh dy ndeshjet e fundit, por dhe formën jo optimale të juventinëve, kjo ndeshje pritet të jetë shumë interesante dhe shumë e luftuar, pasi që Juventusi në rast se nuk do të marrë fitore, atëherë gjasat për titull do të zbeheshin që tani.
Aktualisht tabelën në elitën e futbollit italian e kryeson Milan, ku në 10 ndeshje ka grumbulluar 28 pikë, kurse Juventusi aktualisht mban pozitën e gjashtë me 15 pikë.
\RTV-Okarina\