Skuadra e Milanit ka bërë ofertë për lojtarin e Real Madridit, mesfushorin Isco, kanë njoftuar të mërkurën mediumet italiane. Bëhet e ditur se Milani ka ofruar 15 milionë euro dëmshpërblim për transferimin e Iscos gjatë kësaj vere.
Te Reali nuk po llogarisin në shërbimet e Iscos për edicionin e ri dhe mesfushori ka gjasa të mëdha të largohet nga ekipi spanjoll këtë verë.
Isco 29-vjeçar është pjesë e Realit prej vitit 2013 kur iu bashkua nga Malaga, kurse sezonin e fundit, regjistroi 29 paraqitje në të gjitha garat dhe bëri dy asistime.
\RTV-Okarina\