Përmes një postimi në llogarinë facebook, kryetari Jashari ka bërë të ditur që sot, ka filluar ndërtimi i poligonit sportiv në fshatin Qirez, në shkollën fillore, “Dëshmorët e Qyqavicës”, i cili financohet nga buxheti i komunës së Skenderajt.
Poligone të tilla sportive si në Abri dhe Qirez, do të ndërtohen këtë vit edhe në Burojë, Kllodernicë, Krasaliq e Kuqicë.
“Në Bashkësinë Lokale të Qirez, krahas projekteve rrugore, kanalizim, ndriçim, trotuar e përkrahje për fermerët, jemi duke bërë përpjekje që vitin që vjen të fillojmë edhe me projektin e ujësjellësit për këtë bashkësi lokale, dhe kështu të përfshijmë tërë territorin e komunës sonë me rrjet të ujësjellësit.
Vazhdojmë kështu pa u ndalur në përmirësimin e jetës së qytetarëve të komunës sonë!”, shkruan mes të tjerash Jashari.
\RTV-Okarina\