Ish-kryeministri i Republikës së Kosovës dhe kryetari i AAK-së, Ramush Haradinaj ka thënë se lufta e Ushtrisë Çlirimtare të Kosovës ishte e pastër dhe e drejtë. Këto deklarata i ka dhënë me rastin e “Ditës së Dëshmorëve” në qytetin e Pejës.
Sipas tij, lufta ishte e pashmangshme kundër një regjimi të egër të Millosheviqit.
“Ishte e drejtë si luftë, pranohet në të drejtën ndërkombëtare. Mbrojta kur të ndihesh i rrezikuar nga gjenocidi i Serbisë. Ishte e pastër sepse kishte për qëllim largimin e forcave të armatosura të Millosheviqit”, ka deklaruar ai.
Haradinaj theksoi se gjitha përpjekjet që bëhen për me i dhënë dimensione tjera luftë për çlirimin e Kosovës kanë dështuar, transmeton Indeksonline
“Të gjallët kanë kohë për punë të mira, por edhe gabojnë, por heronjtë janë ata që na trasojnë rrugën”, është shprehur ai.
\RTV-Okarina\