Duke marrë parasysh takimin që kishte ministri i Ministrisë së Shëndetësisë, nga radhët e Lëvizjes Vetëvendosje Arben Vitia, për çështjen e sigurimit të vaksinave antiCovid me deputetin e Partisë Demokratike të Kosovës, Bekim Haxhiu, duket që tashmë ky i fundit nuk është cak i sulmeve politike nga aktivistët e Lëvizjes Vetëvendosje.
Kjo shihet edhe nga një foto e publikuar nga aktivisti i Vetëvendosjes, Doni Beshiri, në Kompleksin Memorial të Dëshmorëve në Marinë, i cili ka bërë homazhe përkrah Bekim Haxhiut tek varri i dëshmorit Driton Veliu.
Aktivisti Beshiri nuk ka hezituar ta shpërndaj foton ku shihet përkrah Kamishit duke bërë homazhe.
Ndryshe, Bekim Haxhiu, i njohur me nofkën e komandantit të UÇK-së si Kamishi, ka pasur për një dekadë raporte të acaruara politike me drejtues të Lëvizjes Vetëvendosje.
\RTV-Okarina\
Falë pikave të gjakut tënd Driton, sot po jetojm të lirë!
Nderime ❤️
Posted by Doni Beshiri on Wednesday, April 21, 2021