Austria nuk do të përdorë vaksinën ruse “Sputnik V” derisa Agjencia Evropiane e Barnave (EMA) ta miratojë atë

Kurz: Austria refuzon përdorimin e vaksinës ruse ‘Sputnik V’ pa miratim nga EMA , kështu ka njoftuar kancelari austriak Sebastian Kurz, duke shtuar se urdhri për sigurimin e kësaj vaksine shtyhet.

Shumë zyrtarë evropianë ende kanë shqetësime në lidhje me synimet e Rusisë në eksportimin e saj në dhjetëra vende kur ende nuk ka vaksinuar pjesën më të madhe të popullsisë së saj.
Efikasiteti i vaksinës “Sputnik V” me dy faza është pritur me skepticizëm nga disa shkencëtarë perëndimorë, pasi Rusia e miratoi atë në muajin gusht të vitit të kaluar, pa pritur rezultatet e provave të plota klinike.