Nga një postim në llogarinë Facebook, është bërë e ditur që Ambasadori i Britanisë së Madhe, Nicholas Abbott, ka takuar gjatë ditës kryetaren e KQZ-së, Valdete Daka.
Ai pas takimit ka thënë se pikë kryesore e diskutimit të tyre ishte organizmi i zgjedhjeve, me ç’rast ambasadori ka theksuar përkushtimin e Britanisë së Madhe për zhvillimin e zgjedhjeve të lira në Kosovë.
“Këtë mëngjes takova Valdete Dakën, kryetaren e Komisionit Qendror të Zgjedhjeve, me të cilin diskutuam për përgatitjet që po i bën KQZ-ja për zgjedhjet si edhe theksova përkushtimin e Britanisë së Madhe për zgjedhje të lira në Kosovë”, ka shkruar Abbotti në Facebook.
Ai ka thënë se Britania e Madhe po mbështet organizatat e shoqërisë civile dhe se janë duke u kujdesur dhe vështruar çdo gjë.
/RTV-Okarina/